प्रधानमन्त्री–मधेस केन्द्रित दलबिच भेटवार्ता

<p>काठमाडौं ।<br>प्रधानमन्त्री पुष्पकमल दाहालको पहलमा सत्तारुढ प्रमुख दल र संयुक्त लोकतान्त्रिक मधेसी मोर्चाबीच स्थानीय तहको निर्वाचन, संविधान संशोधन लगायतका विषयमा छलफल भएको छ ।<br><br>प्रधानमन्त्री निवास बालुवाटारमा भएको छलफलमा प्रधानमन्त्री प्रचण्डले मोर्चासँग संविधान संशोधन र निर्वाचनसँगै अघि बढाउन प्रस्ताव गर्नुभए पनि दुवै पक्षको अडानका कारण कुनै सहमति भने जुट्न नसकेको प्रधानमन्त्रीको निजी सचिवालयले जनाएको छ । <br><br>प्रधानमन्त्रीले राजनीतिक गतिरोध अन्त्यका लागि स्थानीय तहको निर्वाचन गर्नुको विकल्प नभएकाले सरकारलाई सहयोग गर्न मोर्चाका नेताहरुलाई आग्रह गरेका थिए ।<br><br>प्रधानमन्त्री दाहालले फागुन १० गतेबाट सञ्चालन हुने संसदमा संविधान संशोधन प्रस्ताव अघि बढाउने जानकारी दिँदै सरकारले गर्ने स्थानीय तहको मिति घोषणामा समर्थन गर्न आग्रह गरेका थिए ।<br><br>प्रधानमन्त्रीले मुलुकको अवस्थालाई मध्यनजर गरी निर्वाचन र संशोधनलाई अघि बढाई सरकार निर्वाचनको तयारीमा रहेको जानकारी गराए ।<br>प्रधानमन्त्रीका राजनीतिक सल्लाहकार चक्रपाणि खनालले जानकारी दिए ।<br><br>छलफलमा मधेसी मोर्चाका नेताहरुले संविधान संशोधन प्रस्तावको टुङ्गो नलागेसम्म निर्वाचनमा जान नसकिने धारणा राखेका थिए ।<br><br>मोर्चामा आवद्ध सङ्घीय समाजवादी फोरम नेपालका अध्यक्ष उपेन्द्र यादवले संशोधन अघि निर्वाचनमा जान नसकिने धारणा प्रधानमन्त्रीसमक्ष राखेको बताए ।<br><br>बैठकमा प्रधानमन्त्री प्रचण्ड, नेपाली काँग्रेसका महामन्त्री डा सशाङ्क कोइराला, उपप्रधान एवंम गृहमन्त्री विमलेन्द्र निधि साथै मधेस केन्द्रित दलका नेताहरु उपेन्द्र यादव, महन्त ठाकुर, राजेन्द्र महतो, अशोक राईलगायत सहभागी थिए ।<br><br><br><br></p>