Month: August 2022

धादिङ । पृथ्वी राजमार्गको जोगिमारामा गएराती ठूलो ढुङ्गा खसेर सडक अवरुद्ध भएको छ ।

सडकको माथीबाट आएको ठूलो ढुङ्गाले सडकको दुवै तर्फको आउजाउ प्रभावित बनाएको छ । सडक अबरुद्ध भएको जानकारी पाए लगत्तै सडक भिडिजन नुवाकोटबाट पहिरो पन्छाउनको लागी आवश्यक उपकरण र जनशक्ति परिचालन गरिसकेको डिभिजन प्रमुख अमृतमणि रिमालले जानकारी दिनुभयो ।

उहाँको अनुसार रातको समयमा माथीबाट ढुङ्गा खस्ने जोखिमले पहिरो पन्छाउन कठिनाई भएकाले अहिले बिहानको उज्यालो सुरु भएसगैँ हेभी उपकरणको प्रयोग गरेर पहिरो पन्छाउन सुरु भइसकेको छ ।

थप पहिरो र ढुङ्गा नखसेमा करीब एक घण्टा भित्र सडक सुचारु गर्नसक्ने लक्ष्य राखिएको डिभिजन प्रमुख अमृतमणि रिमालले जानकारी दिनुभयो । धादिङको पृथ्वी राजमार्गको मौवाखोलादेखि खत्रीखोलासम्म (धादिङमा पर्ने सडक) डिभिजन सडक नुवाकोटको कार्यक्षेत्र पर्दछ । उक्त सडकको स्तरउन्नती, मर्मतसम्भार तथा अबरोध हटाउनको लागी आवश्यक उपकरण र जनशक्तिलाई डिभिजन सडक नुवाकोटले ठाँउठाँउम परिचालन गरेकाले अघिल्ला वर्षाको समयमा भन्दा यो वर्षामा यातायात सञ्चालनमा सहज हुदै आएको छ ।