रुपन्देहीमा नेपाल टेलिकमको नयाँ एक्सचेन्ज सञ्चालनमा

Posted on: October 27, 2016 | views: 552

११ कार्तिक, रुपन्देही ।
रुपन्देही जिल्लाको नहरपुरमा नेपाल टेलिकमको नयाँ एक्सचेन्ज सञ्चालनमा आएको छ । हिजो आयोजित एक कार्यक्रमका बीचसूचना तथा सञ्चारमन्त्री सुरेन्द्र कुमार कार्कीले एक्सचेन्जको उद्घाटन गर्नु भयो ।

मन्त्री कार्कीले नेपाल सरकारका मूख्य सचिव डा। सोमलाल सुवेदीलाई टेलिफोन कल गरेर सो एक्सचेन्जको उद्घाटन गर्नुभएको हो ।

सो अवसरमा संचारमन्त्री कार्कीलेसूचना तथा सञ्चार प्रविधिलाई आफ्नो सीप र क्षमता अभिवृद्धिका लागि अधिकतम प्रयोग गर्न आग्रह गर्दैै यसबाट मात्रै नेपाली युवाहरुलाई श्रम बेच्नका लागि विदेश जानबाट रोक्न सकिने बताउनु भयो ।

कार्यक्रममा नेपाल टेलिकमको प्रबन्ध निर्देशक कामिनी राजभण्डारीले कम्पनीले आफ्ना सेवालाई गुणस्तरीय बनाउन विभिन्न कार्य गरिरहेको, घन् सेवालाई प्रत्येक क्षेत्रमा पु¥याउन र द्धन् सेवा छिट्टै सञ्चालनमा ल्याउन आवश्यक तयारी गरिरहेको बताउनु भयो ।

हिजो उद्घाटित नहरपुर एक्सचेन्ज ९६ लाइन क्षमताको रहेको छ । यस मध्ये ६४ लाइन टेलिफोन र ३२ पोर्ट एडीएसएल डाटा क्षमता रहेको छ । अब सो क्षेत्रका ग्राहकहरु पनि टेलिफोन तथा इन्टरनेट सेवाबाट लाभान्वित हुने भएका नेपाल टेलिकमले जनाएको छ ।