आजदेखि फेरी नेपालमा पानी पर्ने

Posted on: July 05, 2016 | views: 761

२१ असार, काठमाडौं ।
आजदेखि मौसममा बदली भई फेरि पानी पर्ने भएको छ । मनसुनी रेखा औसतभन्दा माथि अर्थात् नेपालको भूभागतिर सरेकाले आजदेखि फेरि मनसुन सक्रिय भई वर्षा हुने मौसम पूर्वानुमान शाखाले आँकलन गरेको छ ।

मौसमविद् मीनकुमार अर्यालले मनसुनी रेखा मध्य र पश्चिम भागमा सरेकाले देशैभर वर्षा हुने जानकारी दिनुभयो ।

आजदेखि बिहीबारसम्म कतै थोरै र कतै भारी वर्षा हुन सक्ने उहाँले बताउनुभयो । मध्यपहाडीक्षेत्रमा मनसुनी रेखाको प्रभाव नभए पनि वर्षा हुने जल तथा मौसम पूर्वानुमान महाशाखाको अनुमान छ ।