ई–सेवाबाट बिमाको प्रिमियम भुक्तानी गर्दा २५ हजारको मोबाइल उपहार

Posted on: March 10, 2020 | views: 103

काठमाडौ । जीवन बिमाको प्रिमियम अनलाइनबाट भुक्तानी गर्नेलाई ई–सेवाले आकर्षक उपहार योजना सार्वजनिक गरेको छ । कम्पनीले कुनै पनि जीवन बिमाको प्रिमियम ई–सेवाबाट भुक्तानी गर्दा प्रतिकारोबार सय सम्म कमाउनुको साथै २५ हजार रुपैयाँ बराबरको मोबाइल जित्न सकिनेछ योजना ल्याएको छ । 

योजनाअन्तर्गत एक महिनामा २० देखि ४९ वटा बिमाका प्रिमियम भुक्तानी गर्नेले प्रतिकारोबार ५० रुपैयाँ,  ५० देखि ९९ वटासम्म प्रिमियम भुक्तानी गर्नेले प्रतिकारोबार ७५ रुपैयाँ र १०० भन्दा माथि कारोबार गर्नेले प्रतिकारोबार १०० रुपैयाँ इन्सेन्टिभ पउने ई–सेवाले जनाएको छ । 

 एजेन्ट नेटवर्क तथा व्यक्तिगत एकाउन्ट दुवैमा यो योजना २०२० मार्च १ देखि जुलाई ३१ सम्म लागु हुनेछ । पाँच महिनाको अवधिमा ग्राहकले ५ सयवटा लाइफ इन्स्योरेन्स्को भुक्तानी गर्न सफल भएमा प्रतिकारोबार सय इन्सेन्टिभका साथै २५ हजार रुपैयाँ बराबरको मोबाइलसमेत प्रदान हुनेछ ।