फोन नं. अब वेभपेजमै हेर्न पाइने

Posted on: December 23, 2019 | views: 225

विदुर । नेपाल टेलिकमले वेबसाइटबाट नै आवश्यकता बमोजिमको टेलिफोन नम्बर थाहा पाउन सकिने सुविधा सञ्चालनमा ल्याएको छ । यसअघि थाहा नभएका टेलिफोन नम्बरहरु १९७ मा फोन गरेर सोध्नुपर्ने व्यवस्था रहेकोमा अबदेखि कम्पनीको वेबसाइटबाटै पनि हेर्न सकिने भएको व्यबस्था मिलाइएको छ ।

नेपाल टेलिकमले वेब पेजमार्फत नै ल्याण्डलाइन टेलिफोन सोधपुछ प्रणाली सञ्चालनमा ल्याएको हो । त्यसका लागि कम्पनीको वेबसाइटमा गएर  त्यहाँ दिइएको टेलिफोन नं.मा आफूलाई चाहिएको व्यक्ति तथा संस्थाको नम्बर खोज्न सकिने कम्पनीले जनाएको छ ।

व्यक्तिगत ग्राहकको हकमा व्यक्तिको नाम सहित ठेगाना र जिल्ला लेखेर नम्बर पत्ता लगाउन सकिने टोलिकमले जनाएको छ । यस्तै, संस्थागत ग्राहकको हकमा कम्पनीको नाम, ठेगाना र जिल्ला अनुसार टेलिफोन नम्बर प्राप्त गर्न सकिने कम्पनीले व्यवस्था मिलाइएको छ । यसअघि ल्याण्लाइन टेलिफोन नम्बर खोज्नका लागि कम्पनीको मुख्य वेब पेजमार्फत वेबमा आधारित प्रणाली सञ्चालनमा रहेको थियो । 

टेलिकमले पछिल्लो समयमा इन्टरनेट प्रयोगकर्ताहरुको संख्यामा वृद्धि हुदै गएको भन्दै ग्राहकलाई वैकल्पिक माध्यमबाट चौबिसै घण्टा सेवा उपलब्ध गराउन अनलाईन सेवालाई प्रथामिकतामा राखेर सञ्चालनमा ल्याएको जनाएको छ ।