नुवाकोटका स्थानीयतहका वेभसाइड किन भएन 'अपडेट'

Posted on: November 20, 2018 | views: 3600

विदुर । जिल्लाको स्थानीय सरकारको लागी नेपाल सरकारले ठूलो रकम खर्च गरेर बनाएका वेबसाइट प्रयोगविबिहन जस्तै भएको छ ।

जिल्लामा रहेका १२ वटा स्थानीयतह मध्ये केहीले वेबसाइटलाई लामो समयदेखि सञ्चालन नै नगरी थन्काएका छन् । स्रोत–साधन, कर्मचारी र इन्टरनेटको अभावको कारण देखाउदै जिल्लाका स्थानीयतहले बनाएका वेभसाइडहरु सञ्चालन र प्रचार गर्न स्थानीय सरकार असफल भएका छन् ।

स्थानीयतह भित्र भएका गतिविधि, सार्वजनिक सूचना, नागरिक वडापत्र, कार्यालय सम्बधि जानकारी दिने लगायतको सुविधा सहित नेपाल सरकारले निर्माण गरी सञ्चालनको जिम्मेवारी दिएका स्थानीय सरकारले वेभसाइडको प्रयोग प्रथामिकता भन्दा बाहिर परेका छन् ।

सामाजिक सञ्जाल फेसबुक सञ्चालन गरी त्यहीबाट सूचना प्रवाह गर्दै आएका स्थानीयतहको अधिकांशको वेभसाइडमा पुराना र समय सक्किएका सूचनाहरु मात्र राखिएका छन् ।