प्रविधिमैत्री बन्दै छ नुवाकोटको तादी गाँउपालिका

Posted on: November 19, 2018 | views: 4024

खरानीटार । तादी गाँउपालिकाको कार्यालय र त्यसअन्तरगत रहेका वडा कार्यालयले सेवा प्रवाहलाई प्रभावकारी बनाउन प्रविधि प्रयोगलाई जोड दिएको छ । तादी गाँउपालिकाको कार्यालय सहित त्यसअन्तरगत रहेका ६ वटा रहेको सबै वडा कार्यालयमा इन्टरनेट सेवा जडानगरि सेवा प्रवाह र तथ्याङ्ककोे व्यवस्थापन थालिएको गाँउपालिकाको अध्यक्ष नारायणप्रसाद पाण्डेले जानकारी दिनुभएको छ ।  

उहाँको अनुसार गाँउपालिका सहित सबै वडा कार्यालयले सामाजिक सुरक्षा भत्ता वितरणको विवरण सहित त्यसको सूची, पञ्जिकरण लगायतका तथ्याङ्कहरुलाई कम्युटरमा एकीकृत गराउन थालिएको छ । ती तथ्याङ्कलाई इन्टरनेटको सहयोगमा सूचिकृत समेत गरेर चुस्त बनाउदै पारदर्शी कायम राखेर अनियमिता हुनबाट रोक्न पहल गर्दै आएको अध्यक्ष पाण्डेले बताउनुभएको छ ।


गाँउपालिकाको कार्यालयमा सौर्यबत्ति जडान गरी विद्युत अनियमिता भएको समयमा पनि सेवाग्रहीलाई निरन्तर सेवा दिदै आएको छ भने गाँउपालिकाको कार्यालय सहित पाँच वटा माध्यामिक विद्यालयमा विद्युतीय हाजिरकापी मार्फत हाजिरी संकलन गर्न थालिएको छ ।

गाँउपालिकको कार्यालय सिसिटिभी क्यामरा मार्फत सेवाग्रही छिट्टो छरितो कार्य गरी ढिलासुस्ती हटाउन सहयोग पुग्ने विश्वास लिइएको प्रमुख प्रशासकीय अधिकृत अशोक विष्टले बताउनुभएको छ ।


गाँउपालिका र वडा कार्यालय सहित विभिन्न शाखाहरुबाट जनतालाई सेवा चुस्त बनाएर प्रवाहको लागी कर्मचारी अभावले भने कठिनाई देखिएको छ । गाँउपालिकाको ६ वटा वडामा दुई जना मात्र वडा सचिव भएकाले काममा कठिनाई र विभिन्न विषयगत शाखामा पनि कर्मचारी अभावले जनतालाई गुणस्तरीय सेवा दिन कठिनाई देखिएको छ ।



भौतिक संरचना, कर्मचारी र कानूनको अभावको बीचपनि सेवालाई चुस्त एवम् जतिसक्दो छिट्टो दिनभने आफूहरु क्रियाशिल रहेको प्रमुख प्रशासकीय अधिकृत विष्टले बताउनुभएको छ ।