चीनमा शुक्रकीट दान गरे सरकारले १ हजार डलर वा आइफोन दिने

Posted on: March 19, 2017 | views: 1035

एजेन्सी ।
चीन सरकारल शुक्रकीट दान गर्ने युवाहरुलाई १ हजार अमेरिकी डलर वा एउटा गोल्ड आइफोन दिने घोषणा गरेको छ ।

तर यसको लागि भने २० देखि ४५ बर्षका युवा हुनुपर्ने बताएको छ । कृपया आफ्नो देशका लागि शुक्रकीट दान गर्नुहोस । चीन सरकारले भनेको छ ।

सरकारको आग्रहबाट मात्रै थोरै शुक्रकिट जम्मा भएपछि सरकारले सााजिक सञ्जालमा गेमहरु राख्दै अन्त्यमा एक हजार अमेरिकी डलर वा एक गोल्ड आइफोन पाउने विज्ञापन राख्न थालेको छ ।

पछिल्लो समय चीनियाँ जनसंख्या निरन्तर घट्न थालेपछि सरकारले समयमै जनसंख्या बृद्धिको लागि नयाँ उपाय अपनाएको बताइन्छ ।

पछिल्लो समय चीन बुढो हुँदै गएको बताइरहँदा चिनियाँहरु अनेक मानसिक तनावले बच्चा जन्माउन अनिच्छुक देखिन थालेको बताइन्छ ।

कन्फ्युसियस धर्म बढी मान्ने चीनमा अपरिचितको शुक्रकीटबाट गर्भ राख्नु वा अपरिचितलाई गर्भ धारण गर्न दिनुलाई गलत मानिन्छ ।
यसैकारण पनि सरकारको यो आग्रह कम प्रभावकारि देखिएको बताइएको छ ।

उच्च जनशक्ति माग बढिरहँदा जनसंख्या कमी हुँदै जाँदा चीनले जनसंख्या बृद्धिलाई खुकुलो पार्दै एकसन्तान नीति त्यागिसकेको छ भने बढी सन्तान जन्माउन प्रेरित गर्ने कार्यक्रमहरु ल्याउन थालेको छ ।