योग दिवश, योग म्याराथनमा नेपालको विश्व किर्तिमान

Posted on: June 20, 2016 | views: 871

७ असार, काठमाडौं ।
अन्तरष्ट्रिय योग दिवस नेपालमा पनि विभिन्न कार्यक्रमको आयोजना गरी मनाइदै छ ।

अन्तरष्ट्रिय योग दिवसका अवसरमा मंगलबार विहान ७ बजे नारायणहिटी संग्राहालयको मुल सडक दरवार मार्गमा प्रधानमन्त्री के।पी शर्मा ओलीको प्रमुख आतिथ्यतामा विशेष कार्यक्रम आयोजना गरिने भएको शिक्षा मन्त्रालयले जनाएको छ ।

योग म्याराथनमा विश्व कीर्तिमान


योग म्याराथनमा विश्व कीर्तिमान कायम गर्न सफल उत्तम मोक्तानलाई गिनीज बुकको कर्तिमानी प्रमाण पत्र हस्तान्तरण गरिएको छ ।

वालमीकि विद्यापिठ र विश्व दर्शन अभियानले सोमबार काठमाडौंमा गरेको कार्यक्रममा योग म्याराथनमा विश्व कीर्तिमान कायम गर्नुभएका मोक्तानलाई डा। हरिप्रसाद पोखरेल र योगी विकासानन्दले वेलायतबाट प्राप्त प्रमाणपत्र हस्तान्तरण गर्नुभयो ।

मोक्तान गत पौष २ देखि ४ गतेसम्म ५० घण्टा १५ मिनेट योगका विभिन्न आसन गरेर विश्व कीर्तिमान कायम गरी गिनीज बुक अफ द वल्र्ड रेकर्डमा नाम लेखाउन सफल हुनुभएको हो ।

महिला तर्फ क्यानडाकी यसमिन गोले २०६७ साल साउनमा ३२ घण्टा योगका विभिन्न आसन गरेर विश्व कीर्तिमान कायम गर्नुभएको थियो ।