टोकियोमा नग्न रेष्टुरेण्ट, हेर्न पाइने छुन नपाइने

Posted on: June 12, 2016 | views: 2488

टोकियो ।
इंगल्याण्ड र अष्ट्रेलियामा लोकप्रिय र यसअघि नै सञ्चालनमा रहेको नग्न रेष्टुरण्टको सिको गर्दै जापानमा पनि यस्तै खालको नग्न रेष्टुरेण्ट खुल्ने भएको छ ।

जापानमा पहिलो नग्न रेष्टुरेण्ट यही जुन २९ तारिखबाट राजधानी टोकियोमा खुल्ने भएको हो । नाम अनुसारनै यो नग्न रेष्टुरेण्टमा कुनैपनि कपडा लगाउन पाइनेछैन ।

लुगा लगाउन नपाइने यस्तो रेष्टुरेण्टको भने जापानमा छुट्टै नियम राखिएको छ । नियम अनुसार आउने सबै पाहुनाको तौल नापिने छ । यती तोकिएको भन्दा बढी तौल भएमा भने रेष्टुरेण्टमा पस्न पाइने छैन ।

तौल सँगै उमेर पनि तोकिएको नग्न रेष्टुरेण्टमा पस्न ग्राहकको उमेर निश्चित हुनुपर्नेछ । ग्राहकको परिचयपत्र हेरेर १८ देखि ६० बर्ष उमेरकालाई मात्र रेष्टुरेण्टमा छिर्न दिइने बताइएको छ ।

तौल तोकिए भन्दा बढी हुन नहुने निमय राखेको रेष्टुरेण्टले उचाइका आधारमा हुनुपर्ने औषत तौल भन्दा बढीमा १५ किलो सम्म भएमा छुट हुने र त्यो भन्दा बढी भएमा मोटाहरुलाई छिर्न नदिने भएको छ ।

अनलाइनमै यसबारेमा सबै जानकारी राखेको रेष्टुरेण्टले बुकिंग गरेर आउन सकिने बताएको छ । नियम अनुसार रेष्टुरेण्टमा कुनैपनि पाहुनाले कसैलाई छुन पाउनेछैन । तर आफुसँगै आएका व्यक्तिलाई भने छुन छुट छ ।
आवाज निकालेर बोल्न समेत नपाइने रेष्टुरेण्टमा ट्याटु भएकाले पनि प्रवेश पाउनेछैन ।

गीत, मोडलहरुको नृत्य समेत रहेको रेष्टुरेण्टमा बुकिंग गरेको व्यक्तिमा माथिका केही नियम विपरितको पाइए रेष्टुरेण्टबाट निकालिने र बुकिंग पैसा फिर्ता हुने छ ।
डिनरको लागि न्युनतम नै ८ मान अर्थात् ७५० अमेरिकी डलर तोकिएको रेष्टुरेण्टमा नृत्य नहेरिकन खाना मात्र खान चाहोले १४ हजार देखी २८ हजार येनका खाना खान सक्नेछन् ।

नग्न रेष्टुरेण्टमा आउने पाहुना बाहिरबाटै नांगै आउनुपर्ने नभई रेष्टुरेण्टमा प्रवेश गर्नसाथ लुगा राख्ने कोठा हुने र त्यहीँ लुगा फुकालेर भित्र प्रवेश गर्न सक्नेछन् ।