पढाइमा जापानीको विश्व रेकर्ड, ९६ वर्षमा बिए पास

Posted on: June 08, 2016 | views: 643

टोकियो ।
जापान विश्वमै बढी आयु भएका बृद्धबृद्धाहरुको देश हो । हावापानी, खाना स्वास्थ्य सबै कुराले साथ दिएर बढी आयु पाएका जापानीहरुले विश्वमा बढी उमेरमा काम गरेर रेकर्ड राख्ने क्रममा अर्को किर्तिमान थपिएको छ ९६ बर्षको उमेरमा बिए पास ।

जापानी समाचार संस्थाहरुका अनुसार जापानको क्योतो विश्वविद्यालयबाट सेरामिक कला विषयमा ९६ बर्षको उमेर स्नातक पास गर्दै जापानीले नयाँ विश्व किर्तिमान राखेका हुन् ।

स्नातक उतिर्णसँगै सिगेमी हिराता नामका बृद्धले सबैभन्दा पाको उमेरमा स्नातक गर्ने व्यक्तिका रुपमा प्रमाणपत्र प्रदान गरेको छ ।

समाचार अनुसार सन् १९१९ मा हिरोसिमामा जन्मीएका हिराताले विश्व रेकर्ड राखेपछि रोचक प्रतिक्रिया दिंदै भनेका छन्-'मलाई बधाई ज्ञापन गर्न को साथी आए मैले चिनिन तर मलाई आज निकै नै खुसी लागेको छ ।' उनले त्यस रेकर्डले आफूलाई निकै ठूलो उर्जा दिएको भन्दै सो कोर्ष पूरा गर्न ११ वर्ष लागेको समेत बताए ।

जागिरबाट सेवानिवृत्त भएका उनले ११ वर्षअघि सो विश्वविद्यालय भर्ना भएका थिए ,। उनले आफू कम्तीमा पनि १०० बाँच्ने इच्छा भएको र त्यतिसमय सम्म बाँच्ने बताएका छन् ।