1. मुख्य पृष्ठ
2. बिचित्र

नयाँ रेकर्ड । रुपन्देहीको सडकमा बनाइयो विश्वकै लामो रंगोली

Posted on: October 19, 2017 | views: 1229

---

रुपन्देही ।

तिहारको तेस्रो दिन लक्ष्मिपुजाको अवसरमा रुपन्देहीमा विश्वकै सबैभन्दा लामो रंगोली बनाइएको छ ।

सामाजिक क्षेत्रमा काम गर्दै आएको संस्था बागेश्वरी असलशासन 'बास' रुपन्देही र हाटी अमुवा युवा क्लबको आयोजनामा अहिलेसम्मकै लामो रंगोली बनाइएको हो ।

युवा क्लबले कला संस्कृति तथा पहिचानको जर्गेर्ना, पर्यटकलाई आकर्षित गर्न र गिनिज बुकमा नाम लेखाउने गरी विश्वकै ठूलो रंगोली बनाइएको बास रुपन्देहीका अध्यक्ष विजया खत्रीले जानकारी दिएका छन् ।

विश्वमा अहिलेसम्म ठूला आकारका दुई वटा रंगोली बनाइएको छ । भारतमा १ दशमलव ३ किलोमिटर र बंगलादेशमा १ दशमलव ४ किलोमिटरको रंगोली बनाइएको रेकर्ड छ ।

नेपालको भैरहवामा भने १ दशमलव ५ किलोमिटरको रंगोली बनाइएको हो । उक्त रंगोली भैरहवा क्षेत्रको लखन चोकदेखि हाटी अमवासम्मको सडकमा बनाईएको हो ।

उक्त रंगोली सेतो, पहेंलो, रातो, निलो र हरियो गरी ५ प्रकारका रंग प्रयोग गरिएको बास रुपन्देहीले जनाएको छ ।

रंगोली बनाउन ३ सय भन्दा बढी कलाकार सहभागी भएका थिए भने साढे ५ लाख रुपैयाँ खर्च लागेको पनि बास रुपन्देहीले जानकारी दिएको छ ।

---