कल बाइपास गरेका पाँच अपराधी प्रहरीद्वारा सार्वजनिक

Posted on: August 01, 2017 | views: 255

बनेपा ।

अवैध कल बाइपास गरेको आरोपमा काभ्रेपलाञ्चोकको बनेपा–७ स्थित गोदामचोकबाट विभिन्न उपकरणसहित पक्डिएका पाँच जनालाई आज प्रहरीले सार्वजनिक गरेको छ । 


जिल्ला प्रहरी कार्यालयले आज धुलिखेलमा आयोजना गरेको पत्रकार सम्मेलनमा सार्वजनिक गरेको हो । 


पक्राउ पर्नेहरुमा म्याग्दीको मंगला गाउँपालिका–२ बाबियाचौर बस्ने केशवराज पौडेल, काभ्रेपलाञ्चोकको रोशी गाउँपालिका–३ शिखर आम्बोटेका विकास लामा, सोही गाउँपालिका–८ सिपाली चिलाउनेका विनोदकुमार मैनाली, जिल्लाको चौरी देउराली गाउँपालिका–४ निवासी सुजन तामाङ र दोलखाको फूस्कु गाउँपालिकाका अवि थापा रहेका छन् ।