पत्रकार सहारा उपचार कोषको लागि न्यूटन्स एजुकेशनद्धारा ५१ हजार सहयोग

Posted on: July 07, 2017 | views: 256

झापा ।

झापाको बिर्तामोडस्थित न्यूटन्स एजुकेशन एकेडेमीले पत्रकार सहारा उपचार कोषका लागि ५१ हजार रुपैयाँ प्रदान गरेको छ ।

आज पत्रकार महासंघ झापाका कार्यवाहक अध्यक्ष एवम् पत्रकार उपचार कोषका संयोजक एकराज गिरीसहित महासंघको टोलीलाई बिद्यालयका संस्थापक प्रिन्सिपल हरिकुमार प्रसाई र धर्मा पराजुली प्रसाईले उक्त रकमको चेक हस्तान्तरण गर्नुभयो । 


सामाजिक उत्तरदायित्व र मानवीय सेवा क्षेत्रमा योगदान स्वरुप पत्रकार उपचार कोषका लागि उक्त रकम प्रदान गरिएको संस्थापक प्रिन्सिपल  प्रसाईले बताउनुभयो । 

 पत्रकार महासंघ झापाले एक करोड रुपैयाँको कोष स्थापना गर्ने लक्ष्यका साथ अघि बढेको छ ।


कोषमा विभिन्न क्षेत्रबाट सहयोग प्राप्त हुनेक्रम जारी रहेको छ । 

हालसम्म कोषमा २३ लाख बढी रुपैयाँ जुटिसकेको महासंघ झापाका कार्यवहाक अध्यक्ष गिरीले बताउनुभयो ।