लागुऔषध प्रयोगकर्ताको संख्यामा वृद्धि

Posted on: June 26, 2017 | views: 264

काठमाडौं ।

नेपालमा लागुऔषध प्रयोगकर्ताको संख्या वर्षेनी बढ्दै गएको गृह मन्त्रालयले जनाएको छ । 


लागुऔषध दुरुपयोग तथा अवैध ओसारपसार विरुद्धको अन्तराष्ट्रिय दिवसका अवसरमा आज काठमाडौंमा आयोजित कार्यक्रममा नेपालमा लागुऔषध प्रयोगकर्ताको संख्या बढेको जानकारी दिइयो । 


गृह मन्त्रालयकाअनुसार नेपालमा लागुऔषध प्रयोग गर्नेको सङ्ख्या २०६९ सालमा ९१ हजार ५३४ थियो । २०६३ सालको तुलनामा यो झन्डै ४५ हजारले बढी हो । 


त्यस अवसरमा सहरी विकासमन्त्री प्रभु शाहले लागुऔषध नियन्त्रणका लागि समाजका सबै पक्ष सक्रिय भएर लाग्नुपर्नेमा जोड दिनुभयो । 


गृहसचिव लोकदर्शन रेग्मीले लागूऔषध प्रयोग नियन्त्रण गर्न गृह मन्त्रालयले महत्वपूर्ण भूमिका खेलिरहेको बताउनुभयो । 


गृह मन्त्रालयका सहसचिव केदार न्यौपानेले विश्वमा ३० करोड जनसंख्या अवैध लागुपदार्थ प्रयोगकर्ता रहेको जानकारी दिनुभयो । 


मन्त्रालयले सन् २०११ देखि २०१६ सम्म लागुऔषध प्रयोग गरी जेल पर्नेको सङ्ख्या १५ हजार ४९३ पुगेको जानकारी दिएको छ ।