विराटनगरमा मतदान अधिकृत र सहायक मतदान अधिकृतलाई प्रशिक्षण

Posted on: June 21, 2017 | views: 159

विराटनगर ।

दोश्रो चरण अन्र्तगत असार–१४ गते हुन लागेको स्थानियतहको निर्वाचनलाई लक्षित गर्दै विराटनगरमा आजदेखी मतदान अधिकृत र सहायक मतदान अधिकृतहरुको प्रशिक्षण कार्यक्रम शुरु भएको छ । 

क्षेत्रिय निर्वाचन कार्यालय विराटनगरको आयोजनामा दुई दिनसम्म चल्ने प्रशिक्षण कार्यक्रमा मतदान अधिकृत र सहायक मतदान अधिकृतगरी १३ सयभन्दा वढिको सहभागिता रहेको छ । 

मतदान केन्द्रमा खटिएका मतदान अधिकृतहरुलाइ मतदान प्रक्रिया वारे जानकारी गराउन प्रशिक्षण कार्यक्रमको आयोजना गरिएको हो ।

 प्रशिक्षण कार्यक्रमको उद्घाटन गर्नुहुदै मुख्य निर्वाचन अधिकृत विनोदकुमार पोखरेलले मोरङमा स्थानियतहको निर्वाचनको तयारी अन्तिम चरणमा पुगेको वताउनुभयो । 

मोरङका प्रमुख जिल्ला अधिकारी यज्ञराज कोइरालाले निर्वाचनलाई लक्षितगर्दै मोरङमा तिनतहमा सुरक्षा व्यवस्था मिलाइएकाले निर्भयताका साथ मतदान केन्द्रमा गएर मतदानगर्न सवैसंग आग्रह गर्नुभयो । 

क्षेत्रिय निर्वाचन अधिकृत प्रेमप्रसाद सन्जेलले प्रशिक्षणवाट आएका कुरालाई कार्यक्षेत्रमा गएर राजनितिकदल तथा सर्वसाधारणसंग समन्वय गरेर संचालन गर्नुपर्नेमा जोड दिनुभयो । प्रशिक्षण कार्यक्रम विराटनगरको विरेन्द्र सभागृह, नगरपालिकाको सवाहल र जिविसको सवाहलमा भइरहेको छ ।