जिप दुर्घटना, दुई जनाको मृत्यु

Posted on: June 15, 2017 | views: 219

 

बैतडी । बैतडीमा आज जिप दुर्घटना हुँदा दुई जनाको घटनास्थलमै मृत्यु भएको छ । 


बैतडीको तल्लोस्वराडको सुल्लेखानवाट कुस्मतघाटतर्फ गईरहेको से १ च ११५८ नम्वरको जिप आज बिहान ११ बजे शिवनाथ २ को बस्कोटी भन्ने ठाउँमा दुर्घटनामा परेको हो ।


दुर्घटना परी मृत्यु हुनेमा बैतडी शिवनाथ ४ सोल्फोलाका ५८ बर्षिय लाल सिंह महता र जिप चालक कैलाली अत्तरियाका शिव चौधरी रहेका जिल्ला प्रहरी कार्यालय बैतडीका प्रहरी नायव उपरिक्षक हेरम्व शर्माले जानकारी दिएका छन् ।


यस्तै घाईते हुनेहरुमा जिपका साहु कैलाली गोदावरी नगरपालिका १ का हिक्मत बोहरा र बैतडी मेलौली नगरपालिका ९ बिशालपुरका हरी दत्त भट्ट रहेका छन । घाईतेको स्थानीय शर्माली स्वास्थ्य चौकीमा उपचार भईरहेको छ । 


जिपको अगाडीको बाँयासाईडको चक्का निस्किएर दुर्घटनामा परेको जिल्ला प्रहरी कार्यालय बैतडीले जनाएको छ । जिप सडकबाट २० मिटर तल खोलामा खसेको जनाइएको छ ।