राजविराज इलाका प्रशासन कार्यालयमा बम बिष्फोट

Posted on: May 20, 2017 | views: 186

राजविराज ।

भारतीय भूमिमा रहेर नेपाली भूभागमा हिंसात्मक गतिविधि गर्दै आएको जनतान्त्रिक तराई मुक्ति मोर्चा (क्रान्तिकारी) ले सप्तरीको बोदे बर्साइन नगरपालिकास्थित इलाका प्रशासन कार्यालयमा बम बिष्फोट गराएको छ ।


शनिबार विहान गराइएको कुकर बम बिष्फोटबाट कुनै क्षति भएको छैन । शनिबार विहान साढै १२ बजेतिर कार्यालयको भुइँतल्लामा बिष्फोट भएको प्रहरीले जनाएको छ ।


बिष्फोटका कारण बाहिर राखिएको एउटा शोकेस फुटेको छ । यसबाहेक कुनै क्षति नभएको जिल्ला प्रहरी कार्यालयकका एसपी अनुराग द्विवेदीले बताए ।


यसैबीच बिष्फोटको जिम्मेबारी जनतान्त्रिक तराई मुक्ति मोर्चा (क्रान्तिकारी)का अध्यक्ष जयकृष्ण गोइतले लिएका छन् । उनले बिज्ञप्ती जारी गर्दै बिष्फोटको जिम्मा लिएका हुन् ।

गोइत नेपालसँग सिमा जोडिएको भारतीय भूभागमा बस्दै आएको र उनको खोजि नेपाल प्रहरीले गरेपनि भारतीय पक्षले उनलाई पक्राउ गरेर नेपाललाई बुझाउन असहयोग गर्दै आएको छ ।