निर्वाचनले गणतन्त्रको जग स्थापित गरेको छः आयुक्त शाह

Posted on: May 19, 2017 | views: 176

काठमाडौं ।

निर्वाचन आयुक्त सुधीरकुमार शाहले पहिलो चरणको स्थानीय तहको निर्वाचनले लोकतन्त्र र गणतन्त्रको जगलाई स्थापित गरेको बताउनुभएको छ ।


आयुक्त शाहले आज रेडियो नेपालसँग कुराकानी गर्दै संघीय र प्रादेशिक निर्वाचनपछि संघीयता र गणतन्त्रले स्थायित्व प्राप्त गरी संविधान  कार्यान्वयनको चक्र समेत पुरा हुने उल्लेख गर्नुभयो ।


उहाँले स्थानीय तहको पहिलो चरणको निर्वाचन र मतगणनामा देखिएको कमीकमजोरी र समस्यालाई दोस्रो चरणको निर्वाचनमा दोहोरिन नदिने र दोस्रो चरणको निर्वाचनको लागि संशोधन सहितको सुरक्षा व्यवस्था  र व्यवस्थापकीय तयारी भइसकेको जानकारी दिनुभयो । 


आयुक्त शाहले पहिलो चरणको निर्वाचनमा आचार संहिता पालन भए÷नभएको समीक्षा गरेर दोस्रो चरणको निर्वाचनमा कडाइका साथ आचार संहिता लागू गरिने बताउनुभयो ।