पर्वत मोदी गाउँपालिकाको मतगणना रोकियो

Posted on: May 16, 2017 | views: 193

पर्वत ।

पर्वत पर्वतको मोदी गाउँपालिकामा मतगणना कार्य रोकिएको छ । मतगणना भएर परिणाम सार्वजनिक गर्ने क्रममा गलत विवरण सार्वजनिक भएपछि अहिले त्यहाँ विवाद भएको छ ।

मोदी गाउँपालिकाको २ नम्बर वडामा खुल्ला सदस्यका उम्मेदवारको ५९२ हुनुपर्नेमा मतपरिणाम सार्वजनिक गर्दा ५५२ भनेर सार्वजनिक भएपछि विवाद भएको छ ।

 

काँग्रेसका वडा सदस्यका उम्मेदवारको मतमा फरक परेको हो । निर्वाचन अधिकृत कृष्णप्रसाद नेपालले अहिले मतगणना रोकेर छलफल भैरहेको जानकारी दिनुभयो ।

काँग्रेसका समर्थक तथा प्रतिनिधीहरुले फेरि मतगणना गर्न माग गरेका छन् ।