भरुवा बन्दुक सहित एक पक्राउ

Posted on: May 12, 2017 | views: 292

भोजपुर ।

भोजपुरको भोजपुर नगरपालिका १ बाट प्रहरीले बुधबार भरुवा बन्दुक सहित एक जनालाई पक्राउ गरेको छ ।

  सोही नगरपालिका बस्ने अन्दाजी ३४ बर्षिय एकेन्द्र भुजेललाई एक नाल भरुवा बन्दुक सहित नियन्त्रणमा लिइएको पूर्व क्षेत्रीय प्रहरी कार्यालय बिराटनगरले जनाएको छ ।

भुजेलले घरमा भरुवा बन्दुक लुकाई राखेको छ भन्ने गोप्य सुचना पाएपछि अस्थायी प्रहरी चौकी सुन्तलेबाट खटिएको टोलीले उनको घरमा खानतलासी गर्ने क्रममा बादर लखेट्न राखिएको भरुवा बन्दुक फेला पारेको प्रहरीले जनाएको छ ।

  पक्राउ परेका भुजेलका बिषयमा जिल्ला प्रहरी कार्यालय भोजपुरले थप अनुसन्धान गरि रहेको पूर्व क्षेत्रीय प्रहरी कार्यालय बिराटनगरले जनाएको छ ।