निर्वाचन आयुक्त भन्छन्-'स्थानिय चुनाव जुठो सुत्केरोले रोकिन्न'

Posted on: April 14, 2017 | views: 141

पर्वत ।

निर्वाचन आयुक्त ईश्वरीप्रसाद पौडेलले वैशाख ३१ मै एकै चरणमा देशैभरि चुनाव हुने वताउनुभएको छ ।

पर्वतको कुश्मामा निर्वाचन कार्यालयले विहिवार आयोजना गरेको अन्तरक्रिया कार्यक्रममा वोल्दै आयोगले पौडेलले वैशाख ३१ को निर्वाचनको ९० प्रतिशत तयारी पुरा गरेको र निर्वाचन एकै चरणमा हुने दावी गर्नुभयो ।

‘ वैशाख ३१ को महायज्ञ कुनै जुठो सुत्केरोले छेक्दैन, पौडेलले भन्नुभयो –‘निर्वाचन नहुने अहिलेसम्म कुनै संभावना देखिन्न, । उहाँले सुरक्षाको व्यवस्था मिलाउन सरकार संग आग्रह गर्नुभयो । पौडेलले तिनै तहको निर्वाचन नगरे संविधान नै खोस्टो हुने तर्फ संकेत गर्दै दलहरुलाई चुनाव हुने दरिलो आधार तयार पार्न भन्नुभयो ।

निर्वाचन आयोगका प्रवक्ता सूर्यप्रसाद शर्माले निर्वाचन आयोगलाई निर्वाचनको तयारी गर्न समय अभाव भएपनि तयारी भने तदरुकताका साथ भैरहेको जानकारी गराउनुभयो ।

निर्वाचन जनताका लागि आयोजना गरिएकाले कुनै पनि दलले निर्वाचन रोके पनि जनताले चुनाव चाहेको उहाँको भनाई थियो ।

प्रमुख जिल्ला अधिकारी शम्भुप्रसाद मरासिनीले निर्वाचनका लागि जिल्लाको सुरक्षा योजना र अन्य सबै काम भैरहेको जानकारी गराए । कार्यक्रममा राजनैतिक दलका प्रतिनिधी र सञ्चारकर्मीले जिज्ञासा राखेका थिए भने जिल्ला निर्वाचन कार्यालयका प्रमुख लक्षु शर्माले जिल्लामा भएका गतिबिधी बारे जानकारी गराएका थिए ।