पाल्पामा ट्रिपर दुर्घटना हुँदा एकको मृत्यु

Posted on: March 05, 2017 | views: 226

पाल्पा ।
पाल्पाको दोभान–४ श्रीडाँडामा आइतबार ट्रिपर दुर्घटना हुँदा एक जनाको मृत्यु भएको छ ।

तीन जना घाईते भएका छन् । श्रीडाँडाबाट झुम्सातर्फ जाँदै गरेको बा ४ ख ११९७ नम्बरको ट्रिपर श्रीडाँडामा दुर्घटना हुँदा दोभान–४ श्रीडाँडाका ३५ वर्षीया दिलबहादुर सोमैको ज्यान गएको जिल्ला प्रहरी कार्यालय पाल्पाले जनाएको छ । सोमैको उपचारको क्रममा लुम्बिनी अञ्चल अस्पताल बुटवलमा मृत्यु भएको हो ।

दुर्घटनामा परी दोभान–७ श्रीडाँडा बस्ने २१ वर्षिय मिना सोमै, ४ वर्षिय अस्मिता सोमै र २६ वर्षिय लक्ष्मण सोमै घाईते छन् ।

उनीहरुको लुम्बिनी अञ्चल अस्पताल बुटवलमा उपचार भईरहेको प्रहरीले जनाएको छ ।

ट्रिपर सडकबाट १ सय मिटर तल खसेको छ ।