दूरसञ्चार नीति परिमार्जन गरिंदै

Posted on: March 03, 2017 | views: 394

काठमाडौं ।
सूचना तथा सञ्चार मन्त्रालयका सचिव महेन्द्रमान गुरुङ्गले छिट्टै  दूरसञ्चार नीति परिमार्जन गरिने बताउनु भएको छ ।

नेपाल दूरसञ्चार प्राधिकरणको १९ औ वार्षिकोत्सवका उपलक्षमा आज काठमाडौंमा आयोजित कार्यक्रममा सचिव  गुरुङ्गले प्रविधिलाई आत्मसाथ नगरेसम्म विकासले गतिलिन नसक्ने भएकाले सूचना प्रविधिमा आएको विकास संगै दूरसञ्चार नीति परिमार्जन गर्न लागिएको जानकारी दिनुभयो ।

सचिव गुरुङ्गले दूरसञ्चार सेवा प्रदायकहरुले सेवाको गुणस्तरमा सुधार गरी उपभोक्ताहरुको हितहुने गरी सेवा विस्तार गर्नुपर्नेमा जोडदिनुभयो ।
प्राधिकरणका अध्यक्ष दिगम्बर झाले दूरसञ्चार पूर्वाधारको विकासलाई तिव्रताका साथ अघि बढाएको बताउनुभयो ।

उहाँले सेवाप्रदायकहरुले लगानीको १५ प्रतिशत प्राधिकरणले तोकेको ग्रामीण क्षेत्रमा लगानी गर्नुपर्ने प्रावधानलाई कडाइका साथ लागू गरिने जानकारी दिनुभयो ।
अध्यक्ष झाले पहाडी क्षेत्रमा Multi Technology र तराईमा Optical Fiber बाट सवै स्थानीय तहलाई इन्टरनेट सञ्जालमा जोडिने उल्लेख गनुभयो ।

प्राधिकरणका निर्देशक आनन्दराज खनालले सेवाप्रदायकहरुले गुणस्तरिय सेवा प्रवाहमा ध्यानदिनुपर्ने उल्लेख गर्नुभयो ।
भूकम्प प्रभावित ११ जिल्लामा उच्च गतिको इन्टरनेट सेवा विस्तारको कार्यशुरुभएको प्राधिकरणले जनाएको छ ।