६० मध्ये २१ आंगिक क्याम्पसमा स्ववियु चुनाव सम्पन्न

Posted on: March 01, 2017 | views: 397

काठमाडौं ।

त्रिभुवन विश्वविद्यालय अन्तर्गत देशभरका ६० वटा मध्ये २१ वटा आंगिक क्याम्पसहरुमा आज स्ववियु निर्वाचन सम्पन्न भएको छ ।

त्रिभुवन विश्वविद्यालयकी शिक्षाध्यक्ष सुधा त्रिपाठीका अनुसार काठमाडौंका २१ मध्ये ७ र काठमाडौं बाहिरका ३८ मध्ये १४ क्याम्पसमा स्ववियु निर्वाचन सम्पन्न भएको हो ।

निर्वाचन भएका क्याम्पसहरुमा शान्तिपूर्ण रुपमा मतदान भएको त्रिभुवन विश्वविद्यालयले जनाएको छ ।

निर्वाचन हुन नसकेका क्याम्पसहरुमा स्थानीय निर्वाचन समितिले अनुकूलतामा निर्वाचन सम्पन्न गर्ने शिक्षाध्यक्ष त्रिपाठीले जानकारी दिनु भयो ।

विश्वविद्यालयसंग सम्वन्धनप्राप्त क्याम्पसहरुमा पनि आजै निर्वाचन सम्पन्न भएको त्रिभुवन विश्वविद्यालयले जनाएको छ ।
 
=