अवरुद्ध विपी राजमार्ग सुचारु

Posted on: February 20, 2017 | views: 397
सिन्धुली ।

अवरुद्ध वीपी राजमार्ग सञ्चालनमा आएको छ ।

गएराति देखि अवरुद्ध भएको वीपी राजमार्गमा नयाँ ट्रयाक खोली सञ्चालनमा ल्याइएको छ ।

सिन्धुलीको शीतलपाटी गाविस–९ बेनीघाट खाल्टेमा ३५ मिटर सडक सुनकोशी नदीमा खस्दा अवरुद्ध भएको सडक झण्डै १९ घण्टापछि सञ्चालनमा वीपी राजमार्ग योजना प्रमुख भरतकाजी तिवारीले जानकारी दिनुभयो ।

रोकिएका सवारी तथा यात्रुहरुलाई गन्तव्यतर्फ पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक उमाशंखर पञ्जियारले जानकारी दिनुभयो ।

रोकिएका सवारीलाई गन्तव्यतर्फ पठाएपछि राति भने सवारी चल्न नदिइने उहाँले जानकारी दिनुभयो । बिहान ६ बजेबाट मात्र सवारी सञ्चालन गरिने छ ।