रुपन्देहीको मर्चवार क्षेत्र तनावग्रस्त,प्रहरी चौकीमा ढुंगामुढा,प्रहरीको हतियार लुटियो

Posted on: February 19, 2017 | views: 380

काठमाडौं,फागुन ८ । रुपन्देहीको दक्षिणी मर्चवार क्षेत्रको तनावग्रस्त बनेको छ । शनिबार मर्चवार क्षेत्रको मझगावामा सिके राउत कार्यकर्ता र प्रहरीबिच झडप भएपछि आज स्थानियहरुले प्रहरी चौकी वडवलियामा ढुगांमुढा प्रहार गरेका छन् ।ढुगांमुढा प्रहार पछि स्थिति तनावग्रस्त बनेको प्रहरीले जनाएको छ । स्थितिलाई नियन्त्रणमा लिन ५ राउन्ड हवाई फायर र ५ राउन्ड आश्रु ग्यास प्रहार गरेको प्रहरीले जनाएको छ । यसघटनामा यसमा सिके राउतका कार्यकर्ता संलग्न रहेको हुन सक्ने प्रहरीको आशंका छ ।

झडपको क्रममा प्रहरीको साथमा रहेको एउटा हतियार लुटिएको छ । ‘झडपको क्रममा प्रहरीको एउटा लङ ब्यारेल गन (हतियार) लुटिएको छ’ र ‘हतियारको खोजी भइरहेको लुम्बिनी अञ्चल प्रहरी प्रमुख एसएसपी दिपक थापाले जानकारी दिए । गत वर्ष रुपन्देहीको मर्चवारमा पर्ने मझगवाँमा स्वतन्त्र मधेस गठबन्धनका सीके राउतले सभा गरेका थिए। त्यसको ठीक एक वर्षपछि सो क्षेत्र सुरक्षित रहेको भन्दै शनिबार पनि कार्यक्रमको तयारी राउतका समर्थकले गरेको थियो ।

मधेसलाई अलग राज्य बनाउनुपर्ने भन्दै भूमिगत गतिविधि सञ्चालन गरिरहेको सीके राउतका समर्थकले पछिल्लो समय रुपन्देहीमा गतिविधि बढाएपछि सुरक्षा निकाय चनाखो बनेको थियो। शनिबार मर्चवारको मझगाँवामा सभा गर्ने सूचना पाएको प्रहरी बिहानैदेखि तैनाथ थियो। जिल्ला प्रहरी कार्यालय भैरहवाबाट १ सय ५० जना प्रहरीको एक टोली मर्चवारमा खटिएको थियो।


सीके राउत नेतृत्वको स्वतन्त्र मधेस गठबन्धनका कार्यकर्ता र प्रहरीबीच दिनभरजसो मर्चवार क्षेत्रमा झडप भएको छ। स्थानीय मझगँवा गाविस स्थित मर्चवार उच्च माध्यमिक विद्यालयको प्राङ्गणमा आम सभा गर्ने तयारी गरेका कार्यकर्तालाई प्रहरीले अवरोध गरेको थियो।