मिनिटाटा दुर्घटना, ३ जनाको मृत्यु

Posted on: February 16, 2017 | views: 267

बाँके ।
नेपालगञ्जबाट मुगु जाँदै गरेको ना ६ ख ९३७२ नम्बरको ट्रक आज विहान दुर्घटना हुँदा चालक सहित ३ को मृत्यु भएको छ । दुर्घटनामा १ जना घाईते भएका छन् ।

जुम्ला जिल्ला बडकी गा.वि.स वेहार गाउँको कोचीला भीरमा सडकबाट अनियन्त्रित भई मिनिटाटा दुर्घटनामा परेको जिल्ला प्रहरी कार्यालय जुम्लाका डि.एस.पी गुरु विष्णु काफ्लेले जानकारी दिनुभयो ।

दुर्घटनामा वर्दिया जिल्लाका तिर्थ राम थारु, चालक मुगु जिल्लाका रंगे शाही, र सोही जिल्लाकी गंगा शाहीको मृत्यु भएको प्रहरीले जनाएको छ ।

घाईते अवस्थामा रहेका सहचालकको भने स्थानीय अस्पतालमा उपचार भईरहेको छ ।