भुमाफियाले आफनो बनाएको हदबन्दिको जमिन मालपोत कार्यालयबाट खारेज

Posted on: January 31, 2017 | views: 327

रौतहट । भुमाफियाले किर्ते कागजको आधारमा दर्ता गरेको रौतहटको लक्ष्मिनिया दोस्तिया गाबिस–२ बिजयपुर स्थित जयन्तकृष्ण मैत्रको नामको चार बिगाहा जमिन मालपोत कार्यालयले आज खारेज गरेको छ ।

दरबन्दि भन्दा बढि भएको जयन्तकृष्ण मैत्रको लक्ष्मिनिया दोस्तिया गाबिसमा रहेको र रमौलि बैरिया गाबिसमा रहेको लक्ष्मिनारायण राउत कुर्मीको गरी १७ बिगाहा १ कटठा साढे १७ धुर जमिन भुमिसुधार कार्यालयले नेपाल सरकारको नाममा लालपुर्जा बनाउन पत्र पठाएपछि मालपोत कार्यालय रौतहटले आज भुमाफियाको नाममा दर्ता भएको जमिन समेत खारेज गरिदिएको छ ।

रौतहटको लक्ष्मिनिया दोस्तिया गाबिस–२ मा रहेको जयन्त कृष्ण मैत्रको नामको चार बिगाहा जमिन फतुवा हर्षाहाका नवलकिसोर यादबले किर्ते नागरिकता प्रमाणपत्र र लालपुर्जाको आधारमा जिल्ला अदालत काठमाण्डौ बाट वारिस बनाएर आफनो दाजु सुरेन्द्र यादबको नाममा पास गराएको रहश्यखुलेपछि भुमिसुधार कार्यालयले नेपाल सरकारको नाममा दर्ता गर्न मालपोत कार्यालय लाई पत्र पठाएपछि ती जग्गाको दर्ता खारेज भएको  हो ।

०३६ सालमा लालबकैया नदिको बाढि बाट बिस्थापित भएका फतुवा हर्षाहा गाविसका बाढि पीडितलाई तत्कालीन जिल्ला प्रशासन र जिल्ला पञ्चायतले निर्णय गरी लक्ष्मिनीया दोस्तिया गाबिस–२को विजयपुरमा हदबन्दि भन्दा बढि रहेको जयन्तकृष्ण मैत्रको नामको जमिनमा स्थान्तरण गरेर बस्ति बसाएको जमिननै भुमाफियाले आफनो नाममा बनाएको थिए ।

०२८ मंसिर १२ गते भुमि प्रशासन कार्यालय रौतहटले बाराको कलैयामा रहेको भुमि प्रशासन कार्यालय लाई पठाएको ७ नम्बर फाँटबारीमा जयन्तकृष्ण मैत्रको १ सय ७१ बिगाहा ११ कटठा १९ धुर जमिन रहेको उल्लेख रहेको छ ।

०३५ चैत्र ९ गते जिल्ला भुमि प्रशासन कार्यालयमा मैत्रको नाममा २८ बिगाहा जमिन कायम हुने गरी बाकी जमिन हदबन्दि कायम गरेपनि नेपाल सरकारको नाममा लालपुर्जा नबन्दा भुमाफिायले चलखेल गर्न पाएका हुन ।