नारायणगढ–मुग्लिन सडक एक दिनका लागि खुला

Posted on: January 14, 2017 | views: 151

काठमाडौं ।
माघे सङ्क्रान्तिमा लाग्ने देवघाट मेलालाई ध्यानमा राखेर आज एकदिन चितवनको नारायणगढ–मुग्लिन सडक खुला रहने भएको छ ।

हिजोसाँझ देखि आज दिनभर लाग्ने मेलामा टाढाटाढाबाट भक्तजन आउने भएकाले आज माघ १ गते सडक खुला रहने नारायणगढ–मुग्लिन सडक आयोजनाले जनाएको छ ।

त्यस्तै देवघाटमा लाग्ने माघे सङ्क्रान्ति मेलाका बेला हुने सम्भावित खतरालाई ध्यानमा राखी त्रिशूली नदीमाथिको झोलुङ्गे पुलमा एकपटकमा सयजनालाई मात्रै आवतजावत गर्न दिइने देवघाट क्षेत्र विकास समितिका अध्यक्ष टङ्कनाथ पौडेलले जानकारी दिनुभयो ।

मकर सङ्क्रान्तिका दिन चितवन, नवलपरासी र तनहुँमा पर्ने त्रिशूली र कालीगण्डकी नदीको सङ्गममा  माघेसङ्क्रान्ति मेला लाग्छ ।