ट्याक्सीमा विलिङ मेसिन जडान सुस्त, एक महिनामा ७२ वटा बिलिङ

Posted on: January 07, 2017 | views: 299

काठमाडौं,पुस २३ । सरकारले ट्याक्सी चालकको मनोमानी रोक्न बिलिङ प्रिन्टर मेसिन जडान सुरु गरेको एक महिनामा ७२ वटा ट्याक्सीमा मात्रै मेसिन जडान भएको छ । गुणस्तर तथा नापतौल विभागले गत मंसिर २३ गतेदेखि यो सिस्टम लागु गरेपनि तीन सातापछि पुस १७ गते आलोपालो प्रणाली लागू गरेको थियो ।

आलोपालो प्रणाली अनुसार तालिका बनाएर ६ महिनाभित्र बाग्मती अञ्चलमा दर्ता भएका सबै ट्याक्सीमा बिलिङ प्रिन्टर मेसिन जडान गर्ने योजना बिभागको छ । आगामी साउन ७ गतेभित्र राजधानीका सबै ट्याक्सीले बिलिङ मेसिन जडान गरिसक्नुपर्ने छ । बिलिङ प्रणाली नभए ट्याक्सीको नवीकरण नहुने विभागले बताएको छ । समाचार आजको अन्नपूर्ण पोस्ट दैनिकमा छ ।