नेपालको पासपोर्ट विश्वकै सबैभन्दा कम शक्तिशाली,अन्यदेशको पासपोर्टको पावर कति ?

Posted on: January 04, 2017 | views: 787

काठमाडौं,पुस २० । दक्षिण एसियामै सबैभन्दा महंगो शुल्क तिर्नुपर्ने नेपाली पासपोर्ट (राहादानी) शक्तिशालीमा भने विश्वकै सबैभन्दा कम स्थानमा परेको छ । बहुराष्ट्रिय वित्तिय सल्लाहकार कम्पनी आर्टोन क्यापिटले सार्वजनिक गरेको ‘ग्लोबल पासपोर्ट पावर र्‍यांकिङ’ मा नेपालको पासपोर्ट ८७ औं स्थानमा परेको छ । दक्षिण एसियाली देशहरुमा सबैभन्दा शक्तिशाली स्थानमा माल्दिभ्स रहेको छ । माल्दिभ्स ५५ औं नम्बरमा छ । यो पासपोर्ट बाहक ७४ देशमा विना भिसा जान सक्छन् ।

भुटान र भारत समान ७८ औं स्थानमा रहदाँ श्रीलंकाको पासपोर्ट ८८ औं स्थानमा रहेको छ । पाकिस्तान ९४ र अफगानिस्तान ९५ औं स्थानमा परेका छन् । दुबै देश समग्र ‘ग्लोबल पासपोर्ट पावर र्‍यांकिङ’ कै पुछारमा छन् । सबैभन्दा शक्तिशाली पासपोेर्ट भने जर्मनीको छ ।

जर्मन पासपार्ट बाहक १५८ देशमा विना भिसा जानसक्छन् । स्वेडन दोस्रो र फिनल्याण्ड तेस्रो नम्बरमा छन् । नेपाली भने नेपाली पासपोर्टबाहक विना भिसा वा अनअराइभल भिसामा ४० देश जान सक्छन् । जसमध्ये ११ देशमा नेपाली पासपोर्टबाहकलाई भिसा लाग्दैन भने बाँकीका हकमा अनअराइभल भिसा दिइनेछ ।

दक्षिण एसियामै सबैभन्दा महंगो पासपोर्ट शुल्क भने नेपाली पासपोर्टलाई तिर्नुपर्नेछ । नेपाली पासपोर्ट लिनको लागि द्रुत मार्गबाट लिनेलाई ५ हजार थप शुल्क लिएको सरकारले पुनः एकदिनमा, भोलिपल्ट र तीन दिनमा दिने भन्दै क्रमशः १५, १२ र १० हजार शुल्क तिर्नुपर्छ ।