जनताको आस्था ढलेको छैन,अब जागौं भन्दै पूर्वराजा ज्ञानेन्द्रले मुख खोले (विज्ञप्तीको पूर्णपाठ)

Posted on: December 21, 2016 | views: 182

काठमाडौं,पुस ६ । पूर्वराजा ज्ञानेन्द्र शाहले पछिल्लो राजनीतिक घटनाक्रमप्रति तीब्र असन्तुष्टि व्यक्त गरेका छन् । विशेष सन्दर्भमा मात्र विज्ञप्ति सार्वजनिक गर्ने ज्ञानेन्द्रले बुधबार कुनै सन्दर्भबिना नै विज्ञप्ति निकालेर राजनीतिक गतिविधिमाथि टिप्पणी गरेका हुन् ।

उनको टिप्पणीलाई गम्भीर रुपमा हेरिएको छ । पूर्वराजा ज्ञानेन्द्रले सार्वजनिक गरेको विज्ञप्तिमा नेपाली जनताको आस्था नढलेकाले जाग्नुपर्ने बेला आएकोसमेत उल्लेख गरेका छन् । उनले नेपाल र नेपालीको अजय शक्तिको रक्षा गर्न सबैलाई आह्वान गरेका छन् ।
कानूनी रुपमा राजसंस्था ढलेपनि जनताको मतमा ढलेको छैन भन्ने सन्देश पूर्वराजाले दिन खोजेका छन् । उनले जारी गरेको विज्ञप्तिमा ‘अझै पनि जनताका आस्थाहरु ढलेका छैनन् । नेपाली मन मस्तिष्कमा देशभक्तिको भावना ढलेको छैन । सबै नेपालीले राष्ट्र बचाउन फेरी एक पटक इतिहासले सुम्पिएको गहन जिम्मेवारी पुरा गर्न र देशको अस्तित्व आफ्ना सन्ततिलाई सुम्पन्न प्रमुख र प्रखर रुपले जाग्नै परेको छ र लाग्नै परेको छ,’ भनिएको छ ।

संविधान संशोधनको विषयमा दलहरुबीच तीव्र विवाद भइरहेका बेला पूर्वराजा ज्ञानेन्द्रले विज्ञप्तिमा निकालेर ‘राष्ट्रप्रेम र राष्ट्रप्रतिको समर्पणबाटै एकता, अखण्डता र अविभाज्यताको सन्देश फैलाउनु परेको छ । हामी मरे पनि नेपाल बांचिरहोस् भन्ने संकल्पबाट नै नेपाल र नेपालीको अजेय शक्तिको रक्षा गरौं १ समय भड्की सकेपछि पश्चातापले कुनै अर्थ राख्दैन ।’ भन्नुलाई अर्थपूर्णरुपमा हेरिएको छ ।
पूर्व राजा ज्ञानेन्द्र शाहले राष्ट्रलाई कमजोर पार्ने र राष्ट्रिय गौरव मेट्ने षड्यन्त्र भइरहेको दाबी गर्दै बाहृय शक्तिको अनुचित प्रभावमा अस्थायी सत्ताहरु हावी भएको भन्नुलाई उनले दलहरुलाई गम्भीर चेतावनी दिएको रुपमा हेर्नुपर्ने राजनीतिक विश्लेषकहरुले टिप्पणी गरेका छन् ।

बिज्ञप्तीकाे पूर्ण पाठ

आज हामी जून माटोमा जन्मिएर कर्म क्षेत्रमा क्रियाशील छौं, त्यो श्रद्धा र आस्थाका धरोहर पूर्खाहरुको वलिदान, अदम्य साहस र रगत पसिनाबाट आर्जित पवित्र भूमि हो । हामीलाई सिंगो, संगठित, अविभाजित, सार्वभौम नेपाल दिएर जाने पूर्खाहरुले सूम्पिएको राष्ट्रलाई जोगाउँदै समृद्ध, समून्नत र सूदृढ बनाउनू हाम्रो मुल दायित्व एंव कर्तव्य हो ।

तर वर्तमान अवस्थामा मुल्य–मान्यतामा आधारित राजनीति नहूनू, शक्ति पृथकीकरणको सिद्धान्तमा ह्रास आउनू र आपराधिक कार्यले नेपाली समाज प्रताडीत बनिरहेको छ । दिनानूदिन कमजोर बन्दै गइरहेको राष्ट्रिय एकता र भावनाको मर्म माथि निर्मम प्रहार भइरहेको छ । नेपाललाई अस्थिरता र अराजकताको आगोले क्रमशः जलाई रहेको छ । आज नेपाली बिचको सामाजिक सद्भाव मेटिदैं छ भने, तराई, पहाड र हिमाल माझको ऐक्य भाव तोड्ने भगीरथ प्रयत्न भइरहेको छ । ती सबै कार्य क्रान्तिकारी, परिवर्तनकारी, वलिदानी आदि शव्द भावको दूरुपयोग गर्दै राष्ट्रलाई कमजोर पार्ने र राष्ट्रिय गौरव मेट्ने कार्य, अशोभनीय मात्र नभई, असैह्य पनि बनि रहेको छ । निषेधको राजनीति र प्रतिशोधको मानसिकताबाट ग्रसित राष्ट्रका आधारहरु किमार्थ बलिया हून सक्दैनन् । इतिहास कलंकित गर्दै निश्चित, निहित स्वार्थ पुरा गर्न गरिएको कार्यहरु कदापि प्रसंशित हून सक्दैनन् । माटो र मूटूसंग जोडिएको देशभक्तिलाई लान्छित गरेर आधूनिकताको दूहाइ दिएरमात्र कथित अग्रगमनको यात्राले कदापि गति लिन सक्दैन । नेपालको स्थाथी सत्ता भनेकै राष्ट्र र राष्ट्रवासि नै हून् ।

त्यसैले यसलाई सबल पार्ने भाषा, धर्म संस्कृति, इतिहास एवं त्यसले बोकेको आस्था र विश्वास नै त्यसको बलियो जग हो । त्यो नै सार्वभौम सत्ताको मुल आधार हो । नेपाली जनजीवनका मौलिक परम्परा, रीतिथिति, सद्भाव, सहिष्णूता, सहअस्थित्व र पद्धतिसंग जोडिएको यावत विषय नै लौकिक सत्ता हो । दूर्भाग्यवस आजको सन्दर्भमा वाह्य शक्तिको अनूचित प्रभावमा अस्थाथी सत्ताहरु हावी गराएको छ भने, स्थाथी सत्ता र लौकिक सत्ता क्रमशः धूमिल पारिएको छ । अझै पनि जनताका आस्थाहरु ढलेका छैनन् । नेपाली मन मतिष्कमा देशभक्तिको भावना ढलेको छैन । सबै नेपालीले, राष्ट्र बचाउन फेरि एक पटक इतिहासले सूम्पिएको गहन जिम्मेवारी पुरा गर्न र देशको अक्षत अस्तित्व आफ्ना सन्ततिलाई सूम्पन्न मूखर र प्रखर रुपले जाग्नै परेको छ र लाग्नै परेको छ । राष्ट्रप्रेम र राष्ट्रप्रतिको समर्पणबाटै एकता, अखण्डता र अविभाज्यताको सन्देश फैलाउन परेको छ भने, हामी मरे पनि नेपाल बांचिरहोस् भन्ने संकल्पबाटनै नेपाल र नेपालीको अजेय शक्तिको रक्षा गरौं । समय भडकी सकेपछि पश्चातापले कूनै अर्थ राख्दैन ।

श्री पशूपतिनाथले हामी सबैको कल्याण गरुन् ।
जय नेपाल ।
२०७३ साल पौष ६गते