तीन सांसदलाई अख्तियारको ‘क्लिन चिट’

Posted on: December 20, 2016 | views: 286

काठमाडौं,पुस ५ । गैरकानुनी सम्पत्ति आर्जनको उजुरीमा छानबिनपछि अख्तियार दुरुपयोग अनुसन्धान आयोगले तीन सांसदलाई ‘क्लिन चिट’ दिएको छ । अख्तियारले सांसदहरु उमेश श्रेष्ठ, बाबुराम पोखरेल र जनार्दन ढकाललाई कारबाही नचल्ने गरी उजुरी तामेलीमा राख्ने निर्णय गरेको हो ।

तीनै जना सांसदले अकुत सम्पत्ति आर्जन गरेको भन्दै उजुरी परेपछि अख्तियारमा छानबिन चलिरहेको थियो । लिटिल एन्जल्स स्कुलका अध्यक्ष रहेका श्रेष्ठ कांग्रेसका समानुपातिक कोटाबाट सांसद भएका हुन् ।

भीएस निकेतनका अध्यक्ष पोखरेल मधेशी जनअधिकार फोरम लोकतान्त्रिक र ढकाल एमालेबाट सांसद भएका हुन् । आजको अन्नपूर्ण पोस्ट् दैनिकमा समाचार छ ।

एमालेले हिजो बसेको बैठकमा संशोधन प्रस्ताव फिर्ता लिए मात्र सहमति हुने स्पष्ट पारेको छ ।