बडवाल टोलमा झोलुङ्गे पुलको निर्माण कार्य सुरु

Posted on: December 18, 2016 | views: 903

पप्पु गुरुङ्ग, ३ पौष, दोधारा चाँदनी । दोधारा चाँदनीको बडवाल टोलमा झोलुङ्गे पुल निमार्ण कार्य सुरु भएको छ् । दोधारा चाँदनी नगरपालिका वडा नं. ३, बडवाल टोललाई जोड्नको लागी मंसिर १० गते देखि निर्माण कार्य संचालन भएको बताईएको छ् । हात्ती प्रभावती क्षेत्र भनेर प्रख्यात यस क्षेत्रमा हात्तीको आतंक सहित जगबुडा नदीबाट आउने बाढीले बिगत लामो समय देखि स्थानियहरु आतंकित बन्दै आएका छन् । 


गत असार सम्झौता अनुसार आउदो असारमा निर्माण कार्य सम्पन्न गर्ने लक्ष्य राखिएको निर्माण कार्यको जिम्मा लिएका श्री गिता स्वर्णीम जेबी, पोखराले जनाएको छ् । कम्पनीका प्रतिनिधी बिश्व खनालले दोधारा चाँदनीको वडा नं. ३ मा जगबुडा नदीमा निर्माण हुदै गरेको झोलुङ्गे पुल यहि असारमा सम्पन्न गर्ने लक्ष्य राखिएको बताएका छन् । करिब १ सय ४७ मिटर लामो निर्माण हुन लागेको पुलले बडवाल टोल, तथा सिमावर्ती भारतिय बजार नगरालाई समेत जोड्ने भएको हुदा हजारौ स्थानियहरु प्रत्यक्ष लाभान्भित हुने स्थानियहरुको भनाई रहेको छ् । पुल बन्दै गर्दा बडवाल टोलका स्थानियहरु बढी खुशी भएका छन् । 


जंगली हात्ती तथा बाढीको त्राशले निकै सताउदै आएका स्थानिहरुमा पुल बन्दा भागेर ज्यान जोगाउन सहज भएको महशुस गरेका छन् । “बल्ल बडवाल टोलमा एसएलसी पढ्ने मानछेको उत्पादन हने भयो” स्थानिय महाबिर क्षेत्रीले भने । जगबुडा नदीमा पुलको अभावले बडवाल टोलका बिद्यार्थी प्राबि तह उक्लेपछि बिद्यालय छाड्ने गर्थे ।


“तर अब पुल बनेपछि हाम्रा नानीहरु निमाबि तह पढ्न पाउने भए” हर्षित हुदै स्थानिय क्षेत्रीले भने । एउटा प्राथमिक तहको विद्यालय बाहेक अरु कुनै सरकारी निकाय छैन्  “सरकारको उपस्थिति भनेको एउटा अधुरो विद्यायल मात्रै हो,” स्थानिय क्षेत्रीले भने –“त्यो विद्यालयको अपुरो शिक्षा हासिल गरेर हाम्रा छोराछोरी भारतमा मजदुरी गर्न बाध्य छन् ।” विद्यालय स्थापना भएको साल देखि नै गाउ“का बालबालिकाले प्राथमिक तह सम्मको शिक्षा हासिल गर्ने गरेको भए पनि निम्न माध्यमिक र त्यस भन्दा माथिको शिक्षा हासिल गर्न वगबुडा नदी बाधक बन्दै गउको हो । 


गाउँका ६ सय भन्दा बढी बालबालिकाले प्रावि तह सम्मको अध्ययन गरेको भए पनि गाउ“मा माथिल्लो तह सम्मको अध्यापन हुने विद्यालय नहुदा र जोगबुढा नदीमा पुल नभएकै कारण विद्यार्थीको पढाइ अधुरो रहदै आएको छ । “अब हाम्रो टोलमा एसएलसी पढ्ने मान्छे पाईने भए” अर्का स्थानिय लक्ष्मी क्षेत्रीले भने । उनले थपे–“अब बाढी तथा हात्तीले बच्न पनि झेलुङ्गे पुल हाम्रो लागी बरदान हुने भयो” खुशी हुदै क्षेत्रीले भने ।