एसपी खरेलले डिभी परेपछि अमेरिका जान जागिर छाडिदिए

Posted on: December 16, 2016 | views: 1971

काठमाडौं ।
सम्मानीत र राम्रो तलब सुविधा समेत पाउँदै आएका नेपाल प्रहरीका उपरीक्षक एसपी रहेका प्रमोद खरेलले अमेरिका जानकै लागि जागिरबाट राजिनामा दिएका छन् ।

अमेरिकी चिठ्ठा डिभी परेर नेपाल प्रहरीमा जागिर खाइरहेका एसपी खरेलबारे समाचार सार्वजनिक भएपछि उनले पदबाट राजीनामा दिएका हुन् ।

विदेशी डिभी, पिआर पाएकाले नेपाल सरकारको कुनै ओहदामा बस्न नमिल्ने नियम रहेको छ ।

तर खरेलले यस्तो नियमको बेवास्ता गर्दै एक बर्षदेखी सरकारी जागिर खाएर डिभि चिठ्ठा समातेर बसिरहेका थिए ।

अमेरिकी डिभि परेका खरेल त्रिभुवन अन्तर्राष्ट्रिय विमानस्थलमा कार्यरत छन् । उनले पदबाट राजिनामा दिएपनि स्विकृत नभई सकेको बताइएको छ ।

नेपाल सरकारको नुन पानी खाएर अमेरिका उड्ने दिनगन्ती गनेर बस्दै आएका खरेल फागुन ११ गते अमेरिका उड्ने गरी टिकट समेत काटिसकेको पाइएको छ ।