दुई उपप्रधानमन्त्रीः निधि अर्बपति , महरा ‘गरिब’ ! निधिसँग ६० तोला सुन, करिब २० विघा जमीन, महराको पाख

Posted on: December 14, 2016 | views: 1203

काठमाडौं,मंसिर २९  । प्रधानमन्त्री तथा मन्त्रिपरिषदको कार्यालयले प्रधानमन्त्री, मन्त्रीहरु र राज्यमन्त्रीहरुको सम्पत्ति विवरण आज सार्वजनिक गरेको प्रधानमन्त्री कार्यालयले वेवसाइटमार्फत सार्वजनिक भएको सम्पत्ति विवरणमा सरकारका दुई उपप्रधानमन्त्रीमा विमलेन्द्र विमलेन्द्र निधि धनि देखिएका छन् । अर्का कृष्णबहादुर महराको सम्पत्ति कम देखिएको छ। उनको नाममा सुन ६० तोला र चाँदी १५० तोला रहेको छ ।

सुन र चाँदी दाइजोबाट प्राप्त भएको उपप्रधानमन्त्री तथा गृहमन्त्री विमलेन्द्र नीधिबाट हस्ताक्षर भएर जारी भएको सम्पत्ति विवरणमा उल्लेख छ । यस्तै तराईमा १९ विघा जग्गा रहेको पनि उनले पेश गरेको सम्पत्ति विवरणमा उल्लेख छ । यस्तै बैंक ब्यालेन्स २९ लाख रहेको पनि उनले सम्पत्ति उल्लेख गरेका छन्भने विभिन्न बैंकमा करिब २९ लाख रुपैयाँ रहेको छ ।

निधिले विभिन्न व्यक्तिलाई दिएको १३ लाख ५० हजार रुपैयाँ उठाउन बाँकी रहेको पनि उल्लेख गरेका छन् । यस्तै उनीसँग बैंकमा जम्मा गर्न नभ्याएको १० लाख ९६ हजार ८ सय २५ रुपैयाँ समेत छ । यस्तै निधिसँग २ हजार १ सय ६० कित्ता साधारण शेयर पनि रहेको छ ।

यता अर्का उपप्रधानमन्त्री महराको सम्पत्ति खासै देखिएको छैन, रोल्पाको लिवाङ्ग गाविस ८ मा पैतृक सम्पत्तिको रुपमा २ तले घर र १ तले गोठ छ । यस्तै उनको लिवाङ मै ८ रोपनीको पाखोबारी छ । उनको नाममा सुन चाँदी छैन । बैंक ब्यालेन्स भने ८० लाख रहेको विवरणमा उल्लेख छ ।