दोधारा चाँदनीमा प्रहरी भन्दा डिजे साउण्ड मालिक बलियो

Posted on: November 21, 2016 | views: 1822

पप्पु गुरुङ्ग, ६ मंसिर, दोधारा चाँदनी । 

दोधारा चाँदनीमा डिजे साउण्ड ब्यवस्थापनमा प्रहरी भन्दा डिजे साउण्ड मालिक बलियो देखा परेको छ् । आचार संहितालाई लत्याएर अबेर राती सम्म दोधारा चादनीको गाँउ, टोलमा डिजे साउण्ड मालिकले अबेर राती सम्म आचार संहिता उल्लंघन गर्दै आएका छन् । जस्मा नेपाल प्रहरीको चरम लापरवाहीको कारण डिजे साउण्ड मालिक बलियो हुदै आएका बताईएको छ् । 

प्रहरीको कारण ब्यवस्थापनमा फितलो भएको स्थानियहरुले बताएका छन् । दोधारा चाँदनीका वडा नं. १ देखि १० वडा सम्म १२ बजे सम्म डिजे सा“उण्ड बजाउन पाउने आचार संहिता निमार्ण गरे पनि प्रहरीको कारण ब्यवस्थित तरिकाले आचार संहिता लागु नभएको स्थानियहरुको गुनासो रहदै आएको छ् । 

गृह मन्त्रालय तथा युएनडिपी को साझेदारीमा संचाललित सशस्त्र हिंसा न्युनिकरण तथा सामुदायिक सुरक्षा सबलिकरण परियोजनाको सहकार्यमा दोधारा चा“दनीमा गरिएको सर्वपक्षिय तथा सर्वदलिय बैठक तथा छलफलमा अबेर सम्म बज्ने डिजे साउण्डले नगरको जनजिवनमा नकारात्मक प्रभाव परेको निश्र्कष निकाल्दै दोधारा चाँदनीमा नगरस्तरिय आचार संहिता निर्माण गरि कार्वान्वनमा ईलाका प्रहरी कार्यालय दोधारा चाँदनीलाई जिम्मा दिईएको थियो । 

प्रहरीको निरन्तर गस्तिमा कमी ल्याउको कारण डिजे साँउण्ड ब्यवस्थापन कार्य फितलो भएको एक थरीको भनाई रहेको छ् । “बिहान सम्म डिजे साँउण्ड बज्दा समेत प्रहरीले खासै चाँसो देखाएको छैन्” एक स्थानियले भने ।

डिजे साँउण्ड ब्यवस्थापन सम्पुर्ण कार्यको जिम्मा सर्वपक्षीय निर्णय गरेर प्रहरीलाई दिदा समेत प्रहरीले डिजे साँउण्ड ब्यवस्थापनमा प्रभावकारी कदम नचालेको स्थानियहरुको आरोप रहेको छ् । सर्वपक्षिय बैठक तथा छलफलमा अबेर सम्म बजने डिजे साँउण्ड लगाम लगाउने बिषयमा जनगुनासो आएपछि सर्वदलिय तथा सर्वपक्षिय निर्णय गरि गृहमन्त्रालय तथा युएनडिपी को साझेदारीमा संचाललित सशस्त्र हिंसा न्युनिकरण तथा सामुदायिक सुरक्षा सबलिकरण परियोजनाले ठुलै कसरत गरेर निमार्ण गरेको आचार संहिता कार्यान्वन नहुदै तुहिएर गएको हो ।  दोधारा चाँदनीको सुरक्षाको प्रमुख चुनौतीको रुपमा रहेको डिजे साउण्डलाई थप ब्यवस्थापन गर्न प्रहरी कडा रुपमा प्रस्तुत नभएको गुनासो सुनिदैआएको छ्  ।