नदी तर्न नसक्दा विद्यालय छाड्दै

Posted on: November 15, 2016 | views: 362

३० कार्तिक, कञ्चनपुर ।

कञ्चनपुरको दोधारा चाँदनी नगरपालिकाका बालबालिका जोगबूढा नदी तर्न नसक्दा क्रमशः विद्यालय छाड्न बाध्य भएका छन् ।

दोधारा चाँदनीको कञ्जभोज, कुतियाकभर, शान्तिनगर क्षेत्रका बालबालिका प्रतिव्यक्ति पाँच रुपैयाँ शुल्क तिरेर डुङ्गाको सहायताले नदी तरेर विद्यालय जाने गरेका छन् ।

स्थानीयवासी टेकबहादुर सुनारले पुल नहुँदा धेरैजसो विद्यार्थी बीचमै विद्यालय छाडेर अभिभावकसँगै भारतमा मजदुरी गर्न बाध्य भएको बताउनु भयो ।