महायज्ञवाट संकलीत रकमवाट एम्वुलेन्स र धर्मशाला

Posted on: November 15, 2016 | views: 410

३० कार्तिक, बारा ।
श्रीमद भागवत सप्ताह महाज्ञानको अन्तिम दिन २८ लाख संकलन भएको आयोजक समितीले जानकारी दिएका छन् ।

कार्तिक २२ गते देखि बाराको पिलुवा स्थित रहेको वनदेवी मन्दिर परिसरमा आयोजना गरेको श्रीमद भागतको उदघाटन साँसद मधुशाही ठकुरीले १ लाख ५० हजार रकम दिई उदघाटन गर्नु भएकी थिईन् ।

यज्ञमा सवै भन्दा वढी गढीमाई नगरपालिका वार्ड न १६ पिलुवा निवासी कृष्णप्रसाद खरेलले ३ लाख ११ हजार १ सय ११ रुपैया सहयोग गर्नु भएको आयोजक समितीको अध्यक्ष माधव मैनालीले जानकारी दिनु भयो ।

१ लाख भन्दा वढी सहयोग गर्ने दर्जनौ ब्यतिm रहेका कारण तिनीहरुलाई महादानी घोषना गर्ने मैनालीले भन्नु भयो । यज्ञ सके पनि फाल्गुण सम्म सहयोगको काम जारी रहने भएको हुदा सहयोगका लागी समितीमा सम्पर्क राख्न समितीका सदस्य केदार वजगाईले जानकारी दिनु भयो ।

संकलन भएको रकमवाट एम्वुलेन्स खरिद गर्ने र वाकी रकमवाट सो ठाँउमा धर्मशाला निर्माण गर्ने लक्ष्य रहेको समितीका अध्यक्ष मैनालीले बताउनु भयो । महायज्ञमा पंडित सुर्दशन चालिसेले कथा वाचन गर्नु भएको थियो ।