खर्च नभएकी सुनकुमारीलाई अस्पतालले पनि हेरेन

Posted on: November 14, 2016 | views: 328

२९ कार्तिक, बुटवल ।
घरेलु हिंसामा परेकी रोल्पा थवाङ९८ की ४८ वर्षीय सुनकुमारी नेपालीको बेलैमा राम्रो उपचार हुन नपाएपछि भैरहवामा उपचार गर्दा गर्दा मृत्यु भएको छ।

भैरहवास्थित युनिभर्सल शिक्षण अस्पतालमा उपचार गर्दा गर्दै शनिबार साँझ उनको मृत्यु भएको हो।

सुनकुमारीलाई गचत असोज २६ गते पति ध्रुव नेपाली र बहिनी नाता पर्ने जाला नेपालीले मरणासन्न हुने गरी कुटपिट गरेका थिए। घाइते सुनकुमारीलाई प्रहरीले उद्धार गरी अस्पताल पुर्‍याएको थियो। जिल्ला प्रहरी कार्यालय, रोल्पाका प्रमुख डिएसपी रामप्रसाद घर्तीका अनुसार असोज २६ गते सुनकुमारी, ध्रुव र पाहुना हुन आएकी जाला खाना खाएर सुते। राति सुनकुमारीले पतिसँग सल्किएको भन्दै जालालाई गाली गरेकी थिइन्।

भनाभन्‌ले उग्र रूप लियो। सुनकुमारीले पतिसँग सल्किएको भन्दै गाली गरेपछि ध्रुव र जाला मिलेर ढुंगाको लोहोरोले शरीरभरि हिर्काए। रगताम्मे भएर ढलेपछि ध्रुव र जाला राति नै घरबाट निस्किए।

‘भोलिपल्ट घर सुनसान भएपछि छिमेकी र प्रहरी पुग्दा सुनकुमारीको रगताम्मे शरीर भेटिएपछि प्रहरीले घर्तीगाउँस्थित स्वास्थ् चौकी पुर्याएको हो, त्यहाँ उपचार हुन नसकेपछि एम्बुलेन्सको व्यवस्था गरी भैरहवासम्म हामीले नै पठाएका हौ,’ डिएसपी घर्तीले भने।