सुदूर पहाडी जिल्लामा भव्य जात्रा सुरु

Posted on: November 13, 2016 | views: 357

बैतडी ।
सुदूरपश्चिमको पहाडी जिल्लाका विभिन्न मन्दिरमा आजबाट दुईदिने मेला तथा जात्रा सुरु भएको छ ।

बैतडीको तल्लो स्वराडमा रहेको प्रसिद्ध मेलौली भगवती मन्दिर, राष्ट्रैकै सातौं धाम मानिएको दार्चुलाको मालिकार्जुन मन्दिर, डडेल्धुरामा रहेको उग्रतारा मन्दिर र डोटी जिल्लाको प्रसिद्ध गगुडा लाटामष्टा मन्दिरमा आज विशेष पूजाआजासहित जात्रा सुरु भएको हो ।

प्रसिद्ध शक्तिपीठका रूपमा रहेको मेलौली भगवती मन्दिरमा हरेक वर्ष कात्तिक शुक्ल चतुर्दशी र पूर्णिमाका दिन जात्रा तथा पूजाआजा हुँदै आएको छ ।