प्रभावकारी यातायात सेवाका लागि नीजि क्षेत्रलाई प्रोत्साहन ः मन्त्री केसी

Posted on: November 11, 2016 | views: 388

२६ कार्तिक, काठमाडौं ।
सहरी विकास मन्त्री अर्जुननरसिंह केसीले यातायात प्रणालीमा सुधार गरी सेवाग्राहीलाई भरपर्दो यातायात सेवा उपलब्ध गराउन सरकार प्रतिवद्ध रहेको वताउनुभएको छ ।

यातायात सेवाको प्रभावकारीताका लागि नीजि क्षेत्रलाई प्रोत्साहन गर्ने सरकारी नीति रहेको समेत मन्त्री केसीको भनाई थियो ।

शुक्रवार काठमाडौंमा सामाखुशी यातायात व्यवसायी संघले संचालन गर्न लागेको वस सेवाको उद्घाटन गर्दे मन्त्री केसीले यातायात संवन्धी ऐन,कानुनको पालना गरी यातायात सेवा प्रभावकारी वनाउने काममा सहयोगी वन्न व्यवसायीहरुलाई आग्रह समेत गर्नुभयो ।

मुनाफा र सेवाका वीच सन्तुलन कायम राख्दै व्यवसायीहरुले सेवाग्राहीको हीतलाई प्राथमिकतामा राख्नुपर्ने वताउँदै मन्त्री केसीले यातायात यातायात व्यवसायीको लगानीको सुरक्षामा सरकारले कुनै कसर वाँकी नराख्ने प्रतिवद्धता समेत व्यक्त गर्नुभयो ।

कार्यक्रममा व्यवस्थापिका संसद सदस्य जगदीश्वरनरसिंह केसी,नेपाली काँग्रेस काठमाडौंका सभापति सवुज वानिया लगायतले सार्वजनिक यातायातमा जनताको विश्वास वढाउन प्रभावकारी यातायात सेवाको सन्देश प्रवाह गर्न सक्नुपर्ने धारणा व्यक्त गर्नुभएको थियो ।

सामाखुशी यातायात व्यवसायी संघले शुक्रवारवाट काठमाडौं उपत्यकामा संचालन हुने गरी १० वटा वस संचालनमा ल्याएको छ ।