1. मुख्य पृष्ठ
2. देश

मुटुरोग विशेषज्ञ कोइराला स्वास्थ्यमन्त्रीका सल्लाहकार नियुक्त

Posted on: November 08, 2016 | views: 702

---

२३ कार्तिक, काठमाडौं ।
डा. रामेश कोइराला स्वास्थ्य मन्त्री गगन थापाका सल्लाहकारमा नियुक्त भएका छन् ।

कोइरालाले स्वास्थ्य मन्त्रीको सल्लाहकारका रुपमा काम गरे पनि समय मिलाएर गंगालाल अस्पतालमा बिरामी हेर्ने काम गरिरहने बताएका छन् ।

बिहान वा बेलुकाको सिफ्टमा ओपिडी हेर्ने र समय मिलाएर बाँकी बिरामी हेर्ने गरी सल्लाहकार बसेको कोइरालाको भनाई छ ।

आफ्नो काम नछाड्ने भन्दै कोइरालाले केही राम्रो गर्न सकिन्छ की भनेर स्वास्थ्य मन्त्रीको सल्लाहकारमा बस्न लागेको बताए ।

आमाको मुटु र कोपिला आश्रम शीर्षकका दुई उपन्यास लेखिसकेका कोइरालाले गंगालाल अस्पतालबाट तलब सुविधा लिइरहेको भन्दै स्वास्थ्य मन्त्रीको सल्लाहकार नियुक्त भएबापत कुनै सेवा सुविधा नलिने बताएका छन् ।

---