परालमा लाईटर खेलाउँदा आगलागी भएर बालकको मृत्यु

Posted on: November 05, 2016 | views: 375

२० कार्तिक, भोजपुर ।
भोजपुर जिल्लाको पश्चिमी लेखर्क गाविस वडा नम्वर ५ मा परालमा लाइटर खेलाउँदा एक बालकको जलेर मृत्यु भएको छ ।

लाइटर खेलाउँदा आगलागी हुनगई नजिकै खेलिरहेका चार वर्षका मनिष चौलागाइँको ज्यान गएको हो ।

शनिबार बिहान ११ बजेतिर मनिषले लाइटर खेलाउँदा परालमा आगो लागेको जिल्ला प्रहरी कार्यालय भोजपुरले जनाएको छ ।

आगो सल्किएपछि ग्वालीको भुइँतलामा लुक्दा छाना खसेर मनिषलाई आगोले छोपेको प्रहरीले जनाएको छ ।

आगलागी हुँदा मनिषका आमाबुवा खेतमा काम गर्न गएको बताइएको छ ।