लिम्वूहरुको बलिहाङ तङनाम पर्व सम्पन्न

Posted on: November 01, 2016 | views: 254

१६ कार्तिक, काठमाडौं ।
पूर्वमा लिम्वू समुदायले मान्ने बलिहाङ तङनाम पर्व आज सकिएको छ ।

कार्तिक त्रयोदशीदेखि शुरु भई प्रतिपदासम्म ४ दिन मनाईने यस पर्वमा लिम्वू समुदायका मानिस भेला भई प्रकृति, पृथ्वी, सूर्य र ग्रहको पूजाआजा गरी मनाउने गर्दछन् ।

यस पर्वमा वन देवतालाई पूजाआजा गरी सार्वजनिक स्थलमा सरसफाई गर्ने, यस्तै आफूहरुले पालेको पाल्तु जनावरहरुको पूजा गरी मिठोमिठो खाना दिने प्रचलन रहेको छ ।

पूर्वका पाँचथर, ताप्लेजुङ, तेह्रथुम, इलाम लगायत लिम्वू बसोबास भएका ठाउँहरुमा यो पर्व विशेष रुपमा मनाउने गरिन्छ ।