लुटेरा समुहद्धारा लुटपाटपछि सुत्केरी महिलाको हत्या

Posted on: October 28, 2016 | views: 294

१२ कार्तिक, रुपन्देही ।

रुपन्देहीको देवदहमा एक सुत्केरी महिलाको हत्या भएको छ ।

लुटेराहरुको आक्रमणबाट रुपन्देही देबदह–२ ढेकार स्थित हजुरियाटोल बस्ने २२ बर्षीया नमकला पाण्डेको मृत्यु भएको हो ।

घरको आफ्नै कोठामा २ महिनाकी छोरी सहित सुतिरहेको अवस्थामा आक्रमणकारीहरुले उनलाई कुटपिट गरी सुनको टप, मंगलसुत्र थान १, औंठी ३ थान गरी अंदाजी ५ तोला बराबरको सुनको गरगहना लुटेर भागेका थिए ।

कुटपिटबाट गम्भीर घाइते भएकी उनलाई उपचारको लागि क्रिमसन अस्पताल मणिग्राम पठाइएकोमा उपचारको क्रममा मृत्यु भएको थियो ।

फरार लुटेराहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।