नापी कार्यालयमा आगलागी, ४३ जना घाइते लाखौंको क्षति

Posted on: October 27, 2016 | views: 319

११ कार्तिक, हेटौंडा ।
नापी कार्यालय हेटौंडामा आगलागी हुँदा ४३ जना घाइते भएका छन् भने लाखौं मूल्य बराबरको क्षती भएको छ ।

हिजो दिउँसो करिब पौने २ बजेतिर भएको आगलागीमा परि कार्यालयका कर्मचारी र सेवाग्राही गरी ४३ जना घाइते भएको जिल्ला प्रहरी कार्यालय मकवानपुरले जानकारी दिएको छ ।

नापी कार्यालय रहेको भवनको भुईंतल्लाको एक होटलबाट आगलागी सुरु भएको थियो भने आगलागीमा ५ वटा ग्यासको सिलिण्डर पड्केको प्रहरीले जनाएको छ ।

आगोमा पर्ने डरले भवनको माथिबाट हाम्फालेका कारण धेरै घाइते भएको प्रहरी प्रवक्ता गौतमको भनाई छ ।

नेपाल प्रहरी, सशस्त्र प्रहरी र नेपाली सेना एवम् स्थानीयले करिब एकघण्टा पछि आगो नियन्त्रणमा लिएका थिए । आगलागीका कारण ४ वटा मोटरसाइकल जलेर नष्ट भएको छ ।