बाघ महोत्सवको दोस्रो दिन शिकारीले हसाए दर्शकलाई

Posted on: October 27, 2016 | views: 708

पप्पु गुरुङ्ग-दोधारा चादनी,कात्तिक ११ । लोपोन्मुख बिभिन्न प्रजातीका बाघको संरक्षण गरौ, बन्यजन्तुको अवैध चोरी शिकारी नियन्त्रण गरौ भन्ने मुल नाराको साथ शुक्लाफाँटा बन्यजन्तु आरक्ष अन्र्तगत गठन भएको सगरमाथा मध्यवर्ती उपभोक्ता समितिको आयोजनामा ‘दोधारेली प्रथम वाघ महोत्सव २०७३’ को दोस्रो दिन स्थानिय नाट्य कलाकारहरुले दर्शकलाई निकै हसाए । 

यस्तै राष्ट्रिय स्तरका गायक तथा मोडेलहरु दर्शकको केन्द्र रहे । लोपोन्मुख बिभिन्न प्रजातीका बाघको संरक्षण गरौ, बन्यजन्तुको अवैध चोरी शिकारी नियन्त्रण गरौ भन्ने मुल मर्म सहित स्थानिय नाट्य कलाकारले दर्शकलाई पेट मिची–मिची हसाए । दोधारा चाँदनीका रामलिला नाटकका प्रमुख हास्य कलाकार दान बहादुर थापाले मञ्चबाटै दर्जनौ बाघको मार्ने शिकारीको भुमिकामा दर्शकको सामु प्रस्तुत भए । 

उनि आरक्ष क्षेत्रमा बाघका शिकार गर्ने कुख्यात शिकारीको भेषमा मञ्चमा प्रस्तुत हुदा दर्शकले उनलाई तालीले स्वागत गरे । उनले बिगत लामो समय देखि बाघको शिकार गर्दै आएको भुमीकामा उनि दर्शको माँझ प्रस्तुत भए । उनको काँधमा थ्रिनटथ्रि राईफल बोकेर बाघको शिकारी गरे । 

उनले बिगत लामो समय देखि बाघको छाला तस्करीमा संलग्न रहेको ब्यङ्गे नाट्य प्रस्तुत गर्दै दर्शकको माँझ खरो उत्रिए । बाघ हाम्रो भावी सन्ततीको पेवा हो, बाघलाई संरक्षण गर्नु पर्छ भन्ने सन्देश नाटकका टिमले दर्शकलाई सन्देश दिए । गायक तथा मोडेल बादल थापा, सुरेश रानाको प्रस्तुतिले भने युवा पुस्तालाई मोहित बनायो । 

उनिहरुले आफ्नो म्यजिक एल्बमका गित दर्शक माँझ प्रस्तुत गरेर मन जिते । साथमा स्थानिय कलाकारहरुको नृत्य महोत्सवको आकर्षण बन्यो । सयौ दर्शकले बाघ महोत्सवको दोस्रो दिनको आनन्द लिएका छन् । ९ गतेबाट संचाल भएको महोत्सवको १२ गते सम्म संचालन हुने आयोजकले जनाएको छ् । 

बाघको संरक्षण तथा बाघ र मानव बिचको दुरीलाई कसरी कम गर्न सकिन्छ भन्ने उद्धेश्य रहेको आयोजक समिति मध्यवर्ती उपभोक्ता समितिका अध्यक्ष अमर बस्नेतले जानकारी दिनुभएको छ् । महोत्सवमा दर्शकको संख्या अझै बढ्ने आयोजक समितिले दाबी गरेको छ् । लोपोन्मुख बिभिन्न प्रजातीका बाघको संरक्षण गरौ, बन्यजन्तुको अवैध चोरी शिकारी नियन्त्रण गरौ भन्ने मुल भावका साथ बाघ महोत्सव संचालन गरिएको आयोजक समितिले जनाएको छ् । 

लोपोन्मुख विभिन्न प्रजातीका रुपमा परिचित वाघ संरक्षणको लागी वाघको वासस्थानको विस्तार, चोरी शिकारी नियन्त्रण, बाघको अवैध अंग तस्करी नियन्त्रण तथा जंगली जनावर र मानव विचको द्धन्द घटाउने लगायतका जनचेतनामुलुक कार्यक्रमको महोत्सवको प्रस्तुती रहेको महोत्सवका कार्यक्रम संयोजक यसवन्त खड्काले जानकारी दिनुभएको छ् ।